අනේ ... මේ අහිංසකය මක් කොරන්නද?

උඹලා 

මහා පව් කාරයෝ ..

බලපල්ලා ..

උඹලා හිතක් පපුවක් 

නැති 

අමුම අමු තිරිසන්නු ..

ඒ අහිංසක 

උත්තමයා .. මහන්සියෙන් 

හම්ඹු කරපු සල්ලි ..

අර මැරිච්ච ප්‍රභාකරනුයි උගේ 

හැතිකරෙයි 

කඩා වඩා ගත්තා..

ඒ මදිවට ..

උඹලගේ හිත් වල තියෙන කුහකකමට 

උබල ඌට පද හැදුව... 

හිතපල්ලා ... කොටි වෙඩි තියල 

හමුදාවේ කොල්ලෝ මැරුණට .. ඒ අහිංසකය මක්ක කරන්නද?

උන්ට හමුදාවට යන්න කිව්වේ .. ඒ ඇත්තොද?

අර පොරිසාදයට ඉන්න බැරිවට 

බෝම්බ පුපුරෝල .. කැති ගාල මිනිස්සුන්න්ව මැරුවට ...

අනේ ... මේ අහිංසකය මක් කොරන්නද?

උඹලට ඕන වුනේ 

ඒ අහින්සකයව කොළ නැති ගහේ එල්ලන්න ..

බලන් ඉදපල්ලා ....

එව්වා කොහෙද .....

අපේ ධාර්මික රජතුමා .. ඉන්නකම් ...

තොපිට හොඳ වැඩේ ... දේශ ද්‍රෝහී හැත්ත.  ....

කේ.පි. හෙවත් කුමරන් පත්මනාදන් නිදහස් කොට , උතුරේ මහා ඇමති අපේක්ෂක වශයෙන් පත් කිරීමට සුදානම්  - පුවතක් 

ඇවිදින් අරන් යන්න .. මතකයන් මගෙන් ...!!!

ලොවටම හොරෙන් 

බැදුනෙමි පෙමින්....

සිතටත් හොරෙන් ඔබ 

සැගවී ගොසින් ...

කදුලැල් ගලා විත් ..

නෙතටත් .. හොරෙන් ...

රිදවයි .. මයේ හිත .. 

මටමත් හොරෙන් ......

සිසිරේ .. සීතලේ 

උනුහුමට තුරුලටම අරන්..

සිප ගත්ත ඔබේ මුහුණ බොද වී ගිහින් ...

සිත්තමක් සේ මතකයන් .. අපේ 

රිදවයි .. මයේ සිත .... මටමත් හොරෙන් ..

ආයෙමත් නුබ එන්න .. පෙර දා ලෙසින් ..

ඇවිදින් අරන් යන්න .. 

මතකයන් මගෙන් ...!!!

නික්ම යන්න ඔබ .....

සුදු රෝස මල්
මට එපා....
හැම දාම ආදරෙන්
ඔබ දුන්න ,,
හිනහව විතරක්ම .. මට දෙන්න අදත්...
පසක් නොවන්නේ ඇයිද ..
මායිමක් නැති බව .. ආදරයට මෙන්ම මරණයටත් .....
ඉතින් ...
නික්ම යන්න ඔබ ...

මළ හිරු බසිනා .. මේ හැන්දෑවත්

සුන්දරයි මට නම් .. ..

ඉතින් 

නුබ නික්ම යන්න ...

සුසානයෙන් ....

උනුහුමට ගිලිහුන කදුලක් 

ඉතිරි කොට .. මගේ ළඟ තනියට ...

හෙට හිමිදිරියේ 

ඔබ ලඟට විත් දැවටෙවී..

මගේ සුසුමන් ..

කොදුරා කියාවි .. මා ඔබට පෙම් කල බව ..

පසක් කොට ගනු මැනවි ... මා ඔබට පෙම් කල බව ඉදුරාම ..

රෑ අහසේ 

ඔබට ඉහලින් 

සහස් වූ තරු අතර 

තරුවක්ව 

බලා ඉන්නෙමි සෙනෙහසින් ...

ඉතින් .. මා දමා මෙහි 

නික්ම යන්න ඔබ .....

ඔබෙන් සමු ගැනීම සදහා අවසර පතමි උතුමාණෙනි !!!

මරණයේ 

දොරකඩට ගොස් ....

සිංහ පුතෙකුගේ එඩි පෙන්වා 

යලි පැමිණි නුබ 

රණ බිමේ..

කොල්ලෙනි 

'නොහැක්කක් නොමැත'

මහා හයියෙන් මොර දුන්න නුබ..

සතුරු බලමුළු 

සුනු විසුනු කොට ...

මවු බිමේ .... නාමයෙන් 

අණ දුන්න සොදුරුතම සෙන්පතියාණෙනි ...

සංග්‍රාම භුමියේ .. උරෙනුර ගැටී ..

එකා පිට එකා මැරුණත් 

අරමුණෙන් පිට නොයන හැටි 

කියා දුන් ... විරුවාණෙනි

කිසිදි කිසි විට .. පසු නොබැස ගිය නුබ 

නික්ම ගොස් ඇත .. ජීවිත බිමෙන්..

ඉඩ නොතියාම .. කිසිත් .. කියන්නට 

මව් බිමේ උරුමය වෙනුවෙන් 

අභිතව 

යුධ වැදුන නුබ 

මිහිදන්න්ව ඇත .. බොහෝ දුරකින් ..

'උතුමාණෙනි'

සමු ගැනීම සඳහා සියල්ල සම්පුර්ණයි'

ඔබෙන් සමු ගැනීම සදහා 

අවසර පතමි 

උතුමාණෙනි !!!!

ප.ලි. : - මේජර් ජෙනරාල් සමන්ත සුරියබණ්ඩාර, යනු ශ්‍රී ලංකා යුධ හමුදා කොමාන්ඩෝ බලකායේ සුවිශේෂිතම චරිතයක් විය, අවසන් මෙහෙයුම ආරම්භයේදී 53 වෙනි සේනාංකයට අණ දුන් එතුමා, අති දක්ෂ කොමාන්ඩෝ විරුවෙක් විය. 

දේශපාලන හේතුන් මත සේවා කාලය තවත් වසර 10 කට වඩා ඉතිරිව තිබියදී දඩුවම් විශ්‍රාම ගැන්වූ ඒතුමා, තම දිවි දෙවෙනි කොට රැකි මාතෘ භුමිය හැර ඕස්ට්‍රිලියාවේ පදිංචියට යාමට සිදු වුයේ , තමාට හිමි විශ්‍රාම වැටුම පවා නොලැබුන තත්වයක් මත වීම , සහ අඩුම තරමේ ඔහුද එක් වී රැක දුන් මව් බිමේ මිහිදන් වීම පවා අහිමි වීම. කොතරම් ශෝචනීයද???

උදේ හවස රණ විරුවන් ගැනම සිතන , රණ විරුවන් පුදන දේශයක සැබෑ රණ විරුවන් අකාලයේ දැයෙන් වෙන් කිරීම .. දේශ ප්‍රේමයද? 

සිහිවටනය

පැය ගණන් 

දින ගණන් ..

සති  ගණන් ..

ඔබේ ආදරේ ඉල්ලන්න 

පෙරුම් පුරපු මට ..

උබත් පිටු පෑව සඳ ..

සිහිවටනයක් සේ 

ඉතිරුවුන 

රතු බිල ..

තුරුළු කරන්

හඩමි මම ..

බිල දරා ගන්නට බැරිව ...

උඹට වැඩියෙන් රිදෙන්නේ ..මගේ හිත ..

තවමත් ඉස්සර වගේ 

තමයි ..

වචනයක් .. දෙකක් එකට අමුනගෙන 

ගොත නොගහ ..

උඹත් එක්ක කතා කරන්නේ 

බොහොම අමාරුවෙන් ....

උබේ ඉස්සරහ 

හිටන් ඉන්න එක මොහොතක් 

මට දැනෙන්නේ ..

කල්පයකට සක්වලම 

එකම තැනක නැවතිලා වගේ ...

තාත්තෙක් නැති ගානට  වැටුන 

මගේ ලෝකේ ..

ඇත්තටම  උඹ  මට අප්පුච්චෙක් ..

ඇස් දෙකට පෙන්නන්න බැරි උනත්  උඹට මාව 

හොරෙන් හරි උබේ පස්සෙන් වැටෙන්නේ 

හිත හයිය නැති නිසා මගේ ...  උඹ නැතුව ඉන්න ..

එත් 

හිත හයිය  උඹ .. .. 

ගත වාරු නැති කල ...

අමාරුවෙන් ඔහොම වරු අරගෙන ඇවිදින කොට ..

උඹට වැඩියෙන් රිදෙන්නේ ..මගේ හිත ..

මගේ ආයුෂත් අරගෙන 

ඉක්මනට 

හොඳ වෙයන්...

ලොකු අයියේ ..

අමාරුයි මට මේ දුක දරන්න ...

ආයෙමත් වතාවක් හමු නොවේවි අපි..

ආයෙමත් වතාවක් 

හමු නොවේවි අපි..

ආයෙමත් වතාවක් ..

ඔබේ ළඟ දැවටිලා .. හිනාවකින් හිත පුරවාගෙන 

සැනසෙන්න ..

ආයෙමත් වතාවක් .. හමු නොවේවි අපි ..

තොර තෝංචියක් නැතිව ..

හිතුමතේ දොඩවන්න ..

මොහොතකට නැවතිලා .. ඇස් දෙකට එබිකම් කරන්න ..

ආයෙමත් වතාවක් .. හමු නොවේවි අපි ..

ආදරේ වැඩි කමට රිදුන හිත ... කාටත් හොරෙන් කඳුළු කැටවලින් 

තෙමන්න ..

ඒ කඳුළු කැට හංගලා .. ආයෙමත් හිනාවෙන්න ..

ආයෙමත් වතාවක් .. හමු නොවේවි අපි ..

කියා ගන්න බැරි වෙච්චි .. කතාවක ඉතිරි ටික 

කියා දෙන්න .. 

ආයෙමත් වතාවක් . හමු නොවේවි අපි ,

ඉතින් මට ආදරෙන් සමු දෙන්න ..

ආයෙමත් වතාවක් .. හමු නොවන්නට 

නික්ම යන්නට .. මතකය 

විතරක්ක්ම ඉතිරි කොට ...

'මගේ රස්සාවට , අත නොතබනු !!!'

ඉඳපල්ලකෝ...

මේ 

පිඩිත , නිර්ධන පන්තියේ 

ඉඳන්

කොහොම හරි සුළු ධනේශ්වර 

වෙලා 

ඊටත් පස්සේ 

ධනේශ්වර වුන දවසක 

උඹලා .. හැමෝටම 

'රිටර්න්' එක දෙනවමයි ..

එතකම් 

මම කියන්නේ මෙච්චරයි 

'මගේ රස්සාවට , අත නොතබනු'

අනේ අම්මපා ඉන්න බැරි හැටි ගෑනුන්ට ....

සංවේදී නායකයෝ ...

ආඩම්බරකාර තාත්තලා ...

දුටුගැමුණු පර පුරක 

නෂ්ටාවශේෂ වෙච්චි 

ඇමැත්තෝත් ..

දැහැමින් - සෙමින් 

රට කොරන කල ..

පැවිද්දන්..
සිවුර එලලා බිමට
මහවාසලෙන්..

දන් කුඩ  .සිඟාගෙන ...

මනරම් බණ දෙසන කොට ..

දේශප්‍රේමී .. සැදැහැවත් 

දෙවිවරු වැඩ ඉන්න රට ..

අනේ අම්මපා 

ඉන්න බැරි හැටි ගෑනුන්ට 

පති වත 

නොබිදගෙන ....

ප.ලි.  - 23/05/2012 දින ජාතික පුවත් පතක් වූ දිවයින පුවත් පතේ අන්තර්ජාල පිටපතේ පළවූ පුවත් ශිර්ෂ පාඨයන් කීපයකි , අප කොතරම් වාසනා වන්තයින්දැයි කියතොත් ශිර්ෂ පාඨ 5 ම අපරාධ පිලිබඳවය , අති විශේෂිතම දේනම් 4/5 ම ස්ත්‍රී දුෂණ වීමය.  මා දන්නා තරමින් ආශ්චර්යමත් මගේ රටේ පිරිමින් අතින් මෙවැනි දේ සිදු විය නොහැක, ගැහැනුන් විසින්ම මෙවැනි දේ කොට ලෝකයා ඉදිරියේ අපි මහත් වූ තිරිසන් ජාතියක් කියා පෙන්වන්නට උත්සහා ගන්නවා විය හැක. නොඅනුමානවම ඔවුනට ඒ සඳහා ඇමෙරිකාව , බ්‍රිතාන්‍ය ප්‍රමුඛ බටහිර අධිරාජ්ජ්‍යවාදීන් ඩොලර් මලු පිටින් ගෙවනු ඇත.

නිමිත්ත:  http://www.divaina.com/2012/05/23/provin.html

නුබෙන් වෙන් වූ ... දින සිටම

පෙර දවස ...

නුඹ නිසා ,

නුඹ වෙනුවෙන් 

නුඹට විතරක්ම 

සදාකාලිකව  ආදරේ 

කරන බව .. දිවුරා සපථ කල මම 

නුබෙන් වෙන් වූ 

දින සිටම 

ඇයට

ඇය වෙනුවෙන් 

ඇයට විතරක්ම 

සදාකාලිකව ආදරේ කරන 

බව දිවුරා සපථ කරන්නෙමි...

අහෝ ..

නොනවතින ප්‍රේමයක .. මහත!!!

image sources before edit:

 http://skelatore.blogspot.it/2011/04/love.html

http://www.sodahead.com/fun/do-you-ever-repeat-yourself-and-dont-realize-it-until-later/question-1711365/?link=ibaf&q=&imgurl=http://images.sodahead.com/polls/001711365/2639791521_repeat5om_answer_2_xlarge.jpeg

ආදරේ නාමයෙන් ..., එපා යලි හමුවන්න ..

ආදරේ නාමයෙන් .. ඔබ රැගෙන එන්නේ 

කඳුළු විතරක් නම්...

එපා යලි හමුවන්න ..

ළඟ ඉඳන් තනි රකිවී ..

මගේ හිතේ සුසුම් පොදි..

අද වගේම හැමදාම 

ගලා යන ජිවිතේ ..

ඉව්රු වෙමු අපි දෙදෙන..

ඈතින් ඉඳන් .. පෙම් කරන ..

නමුදු .. කිසි දිනක එක් නොවෙන ...

දැනේවි එවිට 

ගලා යන ජීවිතයක මිහිර ...

ආදරේ නාමයෙන් .. ඔබ තිලින කල 

කඳුළු මල් කළඹ ...

පරවී ගියාදෙන් ...

මතු දිනෙක .. යලි මල් පිපේවි 

ආදරේ නාමයෙන් ...

image source : http://lejandita.blogspot.it/2011/02/believe-me.html

සමා වෙන්න බුදු හිමියනි ..

අනේ බුදු හිමියනි,

සමා වුව මැනවි..

තෙල් , මල් , අරන් ආවත් 

පන්සලට ..

හිතේ තවමත් සද්ධාවක් නම් නෑ..

මයේ හිතේ.

වෙසක් දවසේ ..

පන්සලට විත් .

බොහොම බැතියෙන් 

මල් පූජා කරන්න .. 

ගෙදර උන්දැත් එක්ක ...

බලන් හිටියා මම.

එත් ඊයේ රෑ ........

ආයෙමත් මුන් ගැහුවනෙ .. අපේ බඩට ..

අනේ අම්මපා .. හෙනම ගහපන් ඕකුන්ට ...

ඇත්තමයි අහු වුනොත් ඕකුන්ව 

මරා ගෙන මැරෙනවා ..

අනේ 

සමා වෙන්න බුදු හිමියනි ..

කොහොමද හිත වාවන්නේ 

දැනෙනවා  නොව 

මටත්  බඩගින්න ..

ඊට වැඩියෙන් දෙනෙනවා නොව

මට මගේ 

පොඩි උන්ගේ බඩගින්න ...

Original image: http://www.sethskim.com/2010/02/22/cognitive-dissonance/man-thinking/

මැයි දිනේ අපේ නොවේ!!!!

බත් පැකට් එකයි ..

රුපියල් දෙසීයයි ...

වටිනවනේ බොල....

ඉතින් වර යන්න ...

මැයි දිනේ සමරන්න ...

මන්ත්‍රීතුමත් එක්ක .. කොළඹ 

ප. ලි. :- කම්කරු දිනේ නොහොත් මැයි දිනේ කා සඳහාද? කව්රුන් නිසාද? යන්න වර්තමානයේ නිර්වචනය කිරීම අපහසුය, මක්නිසාදයත් මැයි දිනයේ බුහුමන් ලබන්නේ කම්කරුවා නොව වෙනකෙකුය, මැයි දිනේ ඇසෙන්නේ කම්කරුවගේ හඬ නොව, ගිගුම් දෙන්නේ වෙනකෙකුගේ හඬ පමණය , කොටින්ම මැයි දිනයේත් කම්කරුවා කරන්නේ අනුන් වෙනුවෙන් වැඩ කිරීම පමණි .


image : http://www.marxistbooks.com/product.php?productid=17569&cat=250&bestseller=Y

මේ රෑ අහසේ සඳක් වී මට පේනවද?

දෙනෝ දාහක් 

එක පොදියේ ...

එත් මට මහා තනිකමක් දැනෙනෙවා

අම්මේ ...

හිතට වද දෙන ..

නින්ද නැති මේ රෑ..

උනුහුමට ගුලි වෙන්න 

අම්මේ නුබේ තුරුලේ ...

තවම මම ආසයි ..

මුළු ගතේ විරියෙන්..

වැළඳගෙන .

මට නේද වැඩියෙන් ආදරේ ...

අහන්න 

මම තවම ආසයි ..

වලංගු නැති හිත 

දඩබ්බර කම් කරද්දී .

මහා හයියෙන් කෑගසන ..

නුබේ කටහඩ 

අහන් ඉන්න

තවම මම ආසයි ...

මේ රෑ අහසේ සඳක් වී 

මට පේනවද?

හමා එන මැද සුළඟ වී නුබ එනවාද?

අම්මේ මගේ ළඟ තනියට?

මම තවම ආසයි

තුරලටම වී ඉන්න ... 

ප.ලි .:- ඈත රටකට වෙලා ඉද්දි, අම්මාව ගොඩක් මතක් වෙනවා, ළඟ ඉන්නවට වඩා වැඩියෙන් දැනෙනවා.. , එහෙම දැනෙද්දී , ඇස් දෙකෙන් නෙවෙයි , හිතෙන් මම අඩනවා..

image source: http://ramyawrites.com/2010/05/08/dedicated-to-my-mother/

එක්ව යනු බැ

කදුළු පිනි කැට නෙතින් ගලනා
දමා තනිකර දිව යයි ඈතින් ඈතට මා
වස්සානය තව දුරයි , එක්ව යනු බැ
රිදුම් දෙන ආදරේ කරමින් වත්තම්

පෙම් බදිමි මා අප හමු වුන මේ ගිම්හානයට
සුවද මෙයමයි අපේ ආදරේ
නොදුටුව වස්සානය සොයා යනු බැ
ගිනියමින් වේලෙන සුසුමත් මද පවනක්ව දැනෙනා කලේ .

කතරේ දිලෙනා කඳුළු පිනි මල්
නෙලා සිප ගනු බැරි ..
සමුගනිමු අපි මේ කඳුළු තොටුපලේ
යලි යලිත් හමු නොවන පෙම්වතුන් සේ ..


photo : http://www,loveparadiseforyou.com/romantic-love-letters-i-love-you/goodbye-my-love-letters

කැළණිපුර නුතන ගැමුණුවත

අර පෙන්නේ

විහාරය ...

ඊට අල්ලපු වැටේ

ගහපියව් .. බෝඩ් එක

'විකිනීමට ඇත ..සුරූපී ලඳුන්'

දැන් ඉතින්

උපාසකයෝ .. පෝලිමට ඇදෙවී

ඊට පොඩියක් එහායින්

විකුනපියව්

'රට බීම' කලවමට අපේ එව්වත් එක්ක..

පන්සලට යන්න කලියෙන්

හිත හදාගෙනම යන්න ..

පන්සලෙන් එනකොටත්

පින් කරපු සතුටට බොන්න ..

බය නැතුව

විකුනපිය ..කුඩු ටිකත් ....

මතක තියාගෙන

ගණන් බේරපිය . හවසට ...

මොකට බය වෙන්නේ ..

පස් වහන් දහසකට බුදු වන්න ..

අපේ මහ රජ ..

රෙද්ද පල්ලේ නොව ..තියන් ඉන්නේ මාව ..

ගහපියව් .. මර පියව් ...

නඩුත් හාමුදුරුවන්ගේ, බඩුත් හාමුදුරුවන්ගේ .

එකෙක් හරි

හෙල්ලුවොත් කට

අම්මපා .. බඳිනවා ගස් ..

අහන්නෙම නැතිනම්

ගිනි පිබින හැටි දන්නවා , මම

මගේ ලයිසොන් තුවක්කුවෙන් ..

බය වෙන්නේ මොකට..

එක වරක් වැන්දොතින්

ඇති නොවැ ..

කරපු පව් හේදෙන්න ...

වයිමාගේ දුක් ගැනවිල්ල

අවසරයි 

පියාණන්වහන්ස ...

සිත දවා හළු කරන 

බොහෝ දේ නිසාවෙන් 

මහත් වූ චිත්ත පිඩා විදිමි මෙ මම 

විසදලනු මැනවි .. ලබන්නට ඇහැක මට අස්වසිලක් ..

මනු ලෝකේ 

සමගි පුර රජ කරන ..

ආඩම්බරකාර මහ රජගේ ..

ඇමැත්තෙක් වෙයි... නමින් බන්දුල ...

හැමදාම දිනන පැත්තේ ..

දින්නත් .. පැරදුනත් .....

හිත ගනු බැරිය .. කෙසේ වම් එලෙස ...

නිතර දොඩන්නේ ..ආචාරියෙකු කියා 

උගන්වන  ' ආර්ථිකය ''..

අහෝ පුදුමයකි.. පියතුමනි ..

මු උගන්වන කිසිත් නංවනු 

බැරි සැටියකි ක්‍රියාවට ....

අපේ විමනේටත් ඉහල .. උන්ගේ දේසේ ..බඩු මිල ..

වයිමා උන මටද බැරිය  හෙලන්ට පහත

පුන පුනා මු කිව්වේ .. මහා උජාරුවට ...

සමගි පුර පොඩි උන් 

විභාගයට ලිවූ කලට .. 

ලැබෙන්නේ ප්‍රථිපල සක්වලෙත් නැති..

අනුහසින් නොවේද ..මේ මහා බල ඇති බන්දුලගේ ..

අනේ ඒ පුර වැසියනට

ඇහැකි බව පන කෙන්ද අමුණ ගන්නට 

උන්ගේ කාසි 7500 න් .. එකෙක් නොව ..

තුන් දෙනෙක්ටම ..

සොයා ගත්තෙත් .. බන්දුලම නොවැ..

මුඛයෙන් විතරක් නොවැ අධෝ මුඛයෙනුත් 

කතා කරන මු....

තව කරයි බොහෝ දේ .. මට කරන්නට නොහැකි ..

අනේ පියාණෙනි ..

මට කියනු මැන

කවුද නුබේ හැබෑ පුතුණුවන් 

වයිමා වන මම නොවේ බන්දුලද????

නිලියෙකුට පෙම් ... කලෙමි ...

ඉගිමරන දෙනෙත් යුග ..

පාමුල

නිරුත්තරව බල උන්නෙමි ...

දොඩමළුව ... විටක ..

නිහඩ නිසලව .. තව විටෙක....

ඇසුරු සැනකින් ....

මහා සුළගක්ව ...සුනු විසුනු කරන ..

සිතා ගනු බැරිව ...

අතරමං වී ..වැතිර උන්නෙමි...

නුරාගික දෙතොල් මත .....

පතිත වී ආදරෙන් ..

සිප ගන්න .. පෙරුම් පිරුවෙමි..

නුඹට බැඳී හදවත ...

කලබවයි මා ...

අහිංසකව කොදුරන ..

වදන් ...

දෝංකාර දෙයි.. හදවතේ පතුලටම බැස...

මුමුනමින් ..පෙම් වදන් ...

රිද්මයට ... පා තබන ...

සොදුරු ලාලිත්‍ය ...

තිරය මත .. දිග හැරුන සොදුරු

ආදර සිත්තමක...

සිහින කුමරා

මම වුනෙමි...

නිළියකට ... පෙම් බැන්ද ....

ආදරෙන් මුස පත්ව ...

උන්න දෙපැය අවසන්ව ...

නැගිට එමි....

නිළියකට ..පෙම් බැන්ද..

රිදුන හිත... සමග මම ...

෴ජොකා සහ මම ෴

පුංචි එකා සන්දියේ....

නිච්චියක් තිබුනේ නෑ නොවැ...

නුඹව..

නිදහසේ සුව වින්ද

අපුරුව ...

නොනවතින කාලය ...

රැගෙන ගිය හැටි මා වයසට ...

වෙනස් කල හැටි මගේ සිතුවිලි ..

ඇසුරු සැනකින් .. මා දමා දුවන මගේ

හිත ..වලංගු නැති කලෙක

මටම ..

පැතුව හැටි නුඹව ...

විටක මහා වදයක්ව ...

තව විටක ..

වලකාලුව හැටි ..

වන්නට ගිය මහා විපත් ....

උබ කොහොම

පෙම් කලත් මට ...

ලෙන්ගතු වුනත් මෙමට

මගේ ගුණ මකු කමට

මට අවැසි උබෙන් තොර මොහොතක් ..

විදින්නට ..

පුංචි එකා කල වින්ද නිදහස...

විතරක්ම නොව . ..

තව බොහෝ ... දේ ...

ඉතින්

මොහොතකට මට

ඉඩ දියන් ..

ඉන්න මගේ පාඩුවේ .. නිදහසේ... ..

ලඟදීම නොහොත් Coming Soon...

(ඉදිරියේදී පාර්ලිමේන්තු රැස්වීම් සජීවීව රූපවාහිනිය ඔස්සේ විකාශනය කිරීමේ කටයුතු සුදානම් කර ඇතැයි පාර්ලිමේන්තු මහලේකම් ධම්මික දිසානායක පවසයි. - පුවතක්)

දැන් ඉතින්

කටවල් ඇරගෙන 

බලා ඉදපල්ලා ...

වීරයෝ .,

බණ දෙසන ., ධාර්මිකයෝ .,

උගත් ., විද්වත් .,මහත්තුරු

බොලද ලාමක .,නිලි පරාන ..,

පැන්ෂන් ගිය කොටි...,

ආචාර්යවරු ... මහාචාර්යවරු ...,

දුටුගැමුණු මහරජගේ ...,

පරම්පරාවේ ... අලුත්ම පුරුකුත් ..

අනාගත රජ වරු ... 

දුෂ්ඨයෝ ...

මදි නොකියන්න ... දේශප්‍රේමි 

ඊට වැඩියෙන් ...දේශ ද්‍රෝහීන් ...

තොග ගණන් .. ජෝකර්ලා

එක පොදියට ... එක පොරයට ..

ගහ මරා ගන්න හැටි...

උබලා නිසා ....

බලලා අඬපල්ලා....

එපා ...

හිනාවෙයල්ල ... උබලටම