හමු නොවේවි අපි..
ආයෙමත් වතාවක් ..
ඔබේ ළඟ දැවටිලා .. හිනාවකින් හිත පුරවාගෙන
සැනසෙන්න ..
ආයෙමත් වතාවක් .. හමු නොවේවි අපි ..
තොර තෝංචියක් නැතිව ..
හිතුමතේ දොඩවන්න ..
මොහොතකට නැවතිලා .. ඇස් දෙකට එබිකම් කරන්න ..
ආයෙමත් වතාවක් .. හමු නොවේවි අපි ..
ආදරේ වැඩි කමට රිදුන හිත ... කාටත් හොරෙන් කඳුළු කැටවලින්
තෙමන්න ..
ඒ කඳුළු කැට හංගලා .. ආයෙමත් හිනාවෙන්න ..
ආයෙමත් වතාවක් .. හමු නොවේවි අපි ..
කියා ගන්න බැරි වෙච්චි .. කතාවක ඉතිරි ටික
කියා දෙන්න ..
ඉතින් මට ආදරෙන් සමු දෙන්න ..
ආයෙමත් වතාවක් .. හමු නොවන්නට
නික්ම යන්නට .. මතකය
විතරක්ක්ම ඉතිරි කොට ...