මගුල් පෝරුව තව දුරයි ...

ඇය  .. මගෙයි 
මම .. ඇයගෙමයි ..
අපි 
දිකින හීන ..
එළිවෙන තුරා .. විතරමයි..
ඔරලෝසුවේ කටු අතර 
දින පොතේ පිටු අතර 
දියව යයි....
කල වයස...
කතරකට වහින වැසි 
නොම වහින හැටි 
මහා උන්ගේ 
හිත්  වලට..
ගල් වෙච්ච හිත් 
උන්ගේ .. යාන්තමට .. තෙත් 
නොවෙන කම්..
මගුල් පෝරුව  
තව දුරයි ...

ආදරය සොයනා...

සීතලට හැකිලිච්ච සිත තවම 

තියෙනා ...

සිත ලගින් ඉගිලිච්ච නුබව සිත 

සොයනා ..

තනිවෙච්ච දින ගණන 

අමතකව තිබුණා ...

පරවෙච්ච පෙති අතර 

ආදරය සොයනා  ...

සිනාසෙමි මා .. හඩන්නට නොහැකි හන්දා ...

හිතට වද දෙන 
හැගුම් හංගා 
සිනාසුනි මා 
හඩන්නට නොහැකි හන්දා ..

වස්සානය තව දුර නිසා..
ගිම්හානයට නුබ පෙම් කලා 
පමාවී වසන්තය එන  කලට..
ගිම්හානයට නුබ වියලිලා ...

සඳ පින්නට 
දුක කියමි සුසුම් පා .. කර 
හිත ලගට ගුලි  කරන්  සිප ගනිමි 
ආදරෙන් මතක සැමරුම් ...

සිනාසෙමි මා  .. හඩන්නට  
නොහැකි හන්දා ...

මම කියනා දේත් පොඩියක් අහපන්නේ ...

උපන්නේ අපි එක බඩ වැල කඩාගෙන 
දුවන්නේ එකම ලෙයයි .. අපේ ගත පුරාවට ..
ගැහෙන්නේ එකම ගැස්මයි .. 
හදවත පුරාවට ...

අප්පෙක් නැති එකා හට
නුබ වුනි අප්පා ...
තවමත් බය හිතෙනවා
බලනා විට පුප්පා ...

නැවතුන නිසා මගේ හිත 
කොහෙද දුර..
විරසක වෙලා.. ඇයි  මේ රවාගෙන..
කන් දෙන්නට  මට තවමත් නැතිද හිත..

පැල්පත උබ  දකිනා මගේ 
දැනෙන්නේ මැදුරක් ලෙසට අගේ..
හිත ගිය තැන හැදු මාලිගාව මයේ ..
එන්නේ කෙලෙස  දමා .. පොඩියක්  හිතපන්කෝ දෙයියෝ මයේ ..


අයියන්ඩියේ  නුබ රජ කම් කරන දින...
අත වැසි කම්  කරන එක .. සැපයි මට...
හිරවෙලා මම දෙලොවක් අතර අද..
දරන්නට බැහැ  .. මේ දැනෙන දුක ..

දැනෙනා  හැමදේම ලියන්නට ..
පද නෑ  මට .. අයියේ .. බදින්නට 
මට මා නැතත් ... නුබ වෙනුවෙන් මම ඉන්නේ..
මම කියනා දේත් පොඩියක් අහපන්නේ ...

එක තැන නැති මයේ .. හිත

ඔබ ගැන 

හිත හිත  ලතවෙන හිත 

නවතින තැන ..

කොතැනක වේද ...

නොදනිමි මා...

ඒ නවතින හිත ලග ඔබ නැති වග 

හිත තව නැත පිලි අරගෙන 

හෙට යලි නුබ එන විට ...

එක තැන නැති මයේ .. හිත

නැත අද නැවතුන තැන .........!

පින්තුර හොරකම් කලේ : http://www.parkeronline.org/index.aspx?nid=853

ඇවිදින් අරන් යන්න .. මතකයන් මගෙන් ...!!!

ලොවටම හොරෙන් 

බැදුනෙමි පෙමින්....

සිතටත් හොරෙන් ඔබ 

සැගවී ගොසින් ...

කදුලැල් ගලා විත් ..

නෙතටත් .. හොරෙන් ...

රිදවයි .. මයේ හිත .. 

මටමත් හොරෙන් ......

සිසිරේ .. සීතලේ 

උනුහුමට තුරුලටම අරන්..

සිප ගත්ත ඔබේ මුහුණ බොද වී ගිහින් ...

සිත්තමක් සේ මතකයන් .. අපේ 

රිදවයි .. මයේ සිත .... මටමත් හොරෙන් ..

ආයෙමත් නුබ එන්න .. පෙර දා ලෙසින් ..

ඇවිදින් අරන් යන්න .. 

මතකයන් මගෙන් ...!!!

නික්ම යන්න ඔබ .....

සුදු රෝස මල්
මට එපා....
හැම දාම ආදරෙන්
ඔබ දුන්න ,,
හිනහව විතරක්ම .. මට දෙන්න අදත්...
පසක් නොවන්නේ ඇයිද ..
මායිමක් නැති බව .. ආදරයට මෙන්ම මරණයටත් .....
ඉතින් ...
නික්ම යන්න ඔබ ...

මළ හිරු බසිනා .. මේ හැන්දෑවත්

සුන්දරයි මට නම් .. ..

ඉතින් 

නුබ නික්ම යන්න ...

සුසානයෙන් ....

උනුහුමට ගිලිහුන කදුලක් 

ඉතිරි කොට .. මගේ ළඟ තනියට ...

හෙට හිමිදිරියේ 

ඔබ ලඟට විත් දැවටෙවී..

මගේ සුසුමන් ..

කොදුරා කියාවි .. මා ඔබට පෙම් කල බව ..

පසක් කොට ගනු මැනවි ... මා ඔබට පෙම් කල බව ඉදුරාම ..

රෑ අහසේ 

ඔබට ඉහලින් 

සහස් වූ තරු අතර 

තරුවක්ව 

බලා ඉන්නෙමි සෙනෙහසින් ...

ඉතින් .. මා දමා මෙහි 

නික්ම යන්න ඔබ .....

උඹට වැඩියෙන් රිදෙන්නේ ..මගේ හිත ..

තවමත් ඉස්සර වගේ 

තමයි ..

වචනයක් .. දෙකක් එකට අමුනගෙන 

ගොත නොගහ ..

උඹත් එක්ක කතා කරන්නේ 

බොහොම අමාරුවෙන් ....

උබේ ඉස්සරහ 

හිටන් ඉන්න එක මොහොතක් 

මට දැනෙන්නේ ..

කල්පයකට සක්වලම 

එකම තැනක නැවතිලා වගේ ...

තාත්තෙක් නැති ගානට  වැටුන 

මගේ ලෝකේ ..

ඇත්තටම  උඹ  මට අප්පුච්චෙක් ..

ඇස් දෙකට පෙන්නන්න බැරි උනත්  උඹට මාව 

හොරෙන් හරි උබේ පස්සෙන් වැටෙන්නේ 

හිත හයිය නැති නිසා මගේ ...  උඹ නැතුව ඉන්න ..

එත් 

හිත හයිය  උඹ .. .. 

ගත වාරු නැති කල ...

අමාරුවෙන් ඔහොම වරු අරගෙන ඇවිදින කොට ..

උඹට වැඩියෙන් රිදෙන්නේ ..මගේ හිත ..

මගේ ආයුෂත් අරගෙන 

ඉක්මනට 

හොඳ වෙයන්...

ලොකු අයියේ ..

අමාරුයි මට මේ දුක දරන්න ...

ආදරේ නාමයෙන් ..., එපා යලි හමුවන්න ..

ආදරේ නාමයෙන් .. ඔබ රැගෙන එන්නේ 

කඳුළු විතරක් නම්...

එපා යලි හමුවන්න ..

ළඟ ඉඳන් තනි රකිවී ..

මගේ හිතේ සුසුම් පොදි..

අද වගේම හැමදාම 

ගලා යන ජිවිතේ ..

ඉව්රු වෙමු අපි දෙදෙන..

ඈතින් ඉඳන් .. පෙම් කරන ..

නමුදු .. කිසි දිනක එක් නොවෙන ...

දැනේවි එවිට 

ගලා යන ජීවිතයක මිහිර ...

ආදරේ නාමයෙන් .. ඔබ තිලින කල 

කඳුළු මල් කළඹ ...

පරවී ගියාදෙන් ...

මතු දිනෙක .. යලි මල් පිපේවි 

ආදරේ නාමයෙන් ...

image source : http://lejandita.blogspot.it/2011/02/believe-me.html

මේ රෑ අහසේ සඳක් වී මට පේනවද?

දෙනෝ දාහක් 

එක පොදියේ ...

එත් මට මහා තනිකමක් දැනෙනෙවා

අම්මේ ...

හිතට වද දෙන ..

නින්ද නැති මේ රෑ..

උනුහුමට ගුලි වෙන්න 

අම්මේ නුබේ තුරුලේ ...

තවම මම ආසයි ..

මුළු ගතේ විරියෙන්..

වැළඳගෙන .

මට නේද වැඩියෙන් ආදරේ ...

අහන්න 

මම තවම ආසයි ..

වලංගු නැති හිත 

දඩබ්බර කම් කරද්දී .

මහා හයියෙන් කෑගසන ..

නුබේ කටහඩ 

අහන් ඉන්න

තවම මම ආසයි ...

මේ රෑ අහසේ සඳක් වී 

මට පේනවද?

හමා එන මැද සුළඟ වී නුබ එනවාද?

අම්මේ මගේ ළඟ තනියට?

මම තවම ආසයි

තුරලටම වී ඉන්න ... 

ප.ලි .:- ඈත රටකට වෙලා ඉද්දි, අම්මාව ගොඩක් මතක් වෙනවා, ළඟ ඉන්නවට වඩා වැඩියෙන් දැනෙනවා.. , එහෙම දැනෙද්දී , ඇස් දෙකෙන් නෙවෙයි , හිතෙන් මම අඩනවා..

image source: http://ramyawrites.com/2010/05/08/dedicated-to-my-mother/

එක්ව යනු බැ

කදුළු පිනි කැට නෙතින් ගලනා
දමා තනිකර දිව යයි ඈතින් ඈතට මා
වස්සානය තව දුරයි , එක්ව යනු බැ
රිදුම් දෙන ආදරේ කරමින් වත්තම්

පෙම් බදිමි මා අප හමු වුන මේ ගිම්හානයට
සුවද මෙයමයි අපේ ආදරේ
නොදුටුව වස්සානය සොයා යනු බැ
ගිනියමින් වේලෙන සුසුමත් මද පවනක්ව දැනෙනා කලේ .

කතරේ දිලෙනා කඳුළු පිනි මල්
නෙලා සිප ගනු බැරි ..
සමුගනිමු අපි මේ කඳුළු තොටුපලේ
යලි යලිත් හමු නොවන පෙම්වතුන් සේ ..


photo : http://www,loveparadiseforyou.com/romantic-love-letters-i-love-you/goodbye-my-love-letters

නිලියෙකුට පෙම් ... කලෙමි ...

ඉගිමරන දෙනෙත් යුග ..

පාමුල

නිරුත්තරව බල උන්නෙමි ...

දොඩමළුව ... විටක ..

නිහඩ නිසලව .. තව විටෙක....

ඇසුරු සැනකින් ....

මහා සුළගක්ව ...සුනු විසුනු කරන ..

සිතා ගනු බැරිව ...

අතරමං වී ..වැතිර උන්නෙමි...

නුරාගික දෙතොල් මත .....

පතිත වී ආදරෙන් ..

සිප ගන්න .. පෙරුම් පිරුවෙමි..

නුඹට බැඳී හදවත ...

කලබවයි මා ...

අහිංසකව කොදුරන ..

වදන් ...

දෝංකාර දෙයි.. හදවතේ පතුලටම බැස...

මුමුනමින් ..පෙම් වදන් ...

රිද්මයට ... පා තබන ...

සොදුරු ලාලිත්‍ය ...

තිරය මත .. දිග හැරුන සොදුරු

ආදර සිත්තමක...

සිහින කුමරා

මම වුනෙමි...

නිළියකට ... පෙම් බැන්ද ....

ආදරෙන් මුස පත්ව ...

උන්න දෙපැය අවසන්ව ...

නැගිට එමි....

නිළියකට ..පෙම් බැන්ද..

රිදුන හිත... සමග මම ...

දැනෙද්දී නුඹව .... දුරින් හිද

ඇසෙද්දීත් කට හඩ,

සිත වෙවුලන තරම

දකිද්දී දුරක නුඹව .....

ඇස් හැංගෙන්න

පොර බදිනතරම ...

වචනයක් දෙකක් .. පිට කරලන්න බැරිව

ගැට ගැහෙන දිව......

එත් මටම පුදුමයි

දැනෙද්දී නුඹව .... දුරින් හිද....

අයියන්ඩියේ .......

ජුලියට් තනිවෙලා ...

සද එලිය යට...

ගැහෙන මයේ හිත .......
සීතලම .. සීතලට
හමා යන ..සුළන් රැලි ....
පාරවයි ..හිත තවත් ....
තවම නුඹ නැ ...
ගිනි ගහන .. දවාලෙත් ...
පොදි කන .. මහා සෙනග
අස්සේ ...
මම සෙව්වේ ..
නුබේ රුව ....
එක .. එකා රැස් කමින්...
ඇවිත් යයි .. මුමුනමින් නෙක විවිද
කතන්දර .....
මම, ගොළු වෙලා ..
කියා ගන්න බැරි නිසා ....
පෙම් බැන්ද හැටි මම නුඹට..
නුඹ මට ද ...

රෝමියෝ ....

නුඹ නැතුව ..
තනිවෙලා .. මම
මේ සදලු තලයෙන් .. පහල ....

මට ජීවිතය කියල දුන්නේ මගේ අයියා  , එයා දවසක් මට මෙහෙම කිව්වා ....

'අපි හැමෝම වේගයෙන් දුවනවා, හිතන්නේ නෑ, කල්පනා කරන්නේ නෑ, එහෙම දුවලා දුවලා හති වැටුන දවසක මැරෙන්න මොහොතකට කලින් හරි අපි නවතිනවා ..., එදාට අපි කරපු සමහර දේවල් වලින් ඉතිරි වුන පසුතැවීම විතරක් අපිව හොයා ගෙන එනවා ... එකෙන් ගැලවිලා අපිට දුවන්න බැහැ ........'

එත්
මම දුවනවා,
තවම දුවනවා,
සමහර
වෙලාවට මට අයියා  කියපු
දේ ආයෙමත් මතක් වෙනවා,
මම මේ දුවන එක නැවතුන දවසකට මට මගේ අයියා  ව එක සැරයක් හරි මතක් වෙන බව මම දන්නවා ....
එත්
තවම මම දුවනවා .. ... ... ..