කැළණිපුර නුතන ගැමුණුවත

අර පෙන්නේ

විහාරය ...

ඊට අල්ලපු වැටේ

ගහපියව් .. බෝඩ් එක

'විකිනීමට ඇත ..සුරූපී ලඳුන්'

දැන් ඉතින්

උපාසකයෝ .. පෝලිමට ඇදෙවී

ඊට පොඩියක් එහායින්

විකුනපියව්

'රට බීම' කලවමට අපේ එව්වත් එක්ක..

පන්සලට යන්න කලියෙන්

හිත හදාගෙනම යන්න ..

පන්සලෙන් එනකොටත්

පින් කරපු සතුටට බොන්න ..

බය නැතුව

විකුනපිය ..කුඩු ටිකත් ....

මතක තියාගෙන

ගණන් බේරපිය . හවසට ...

මොකට බය වෙන්නේ ..

පස් වහන් දහසකට බුදු වන්න ..

අපේ මහ රජ ..

රෙද්ද පල්ලේ නොව ..තියන් ඉන්නේ මාව ..

ගහපියව් .. මර පියව් ...

නඩුත් හාමුදුරුවන්ගේ, බඩුත් හාමුදුරුවන්ගේ .

එකෙක් හරි

හෙල්ලුවොත් කට

අම්මපා .. බඳිනවා ගස් ..

අහන්නෙම නැතිනම්

ගිනි පිබින හැටි දන්නවා , මම

මගේ ලයිසොන් තුවක්කුවෙන් ..

බය වෙන්නේ මොකට..

එක වරක් වැන්දොතින්

ඇති නොවැ ..

කරපු පව් හේදෙන්න ...